為了提高市民的食物安全意識，食物安全中心(食安中心)於二零二一年一月七日開展名為「食安電影頻道」的全新網上短片宣傳活動，請來食安中心的吉祥物食安仔與食安妹妹，透過重現熱門港產片的經典場面，向市民傳達重要的食物安全信息。藉著一系列耳熟能詳的影片，市民可從娛樂中輕鬆獲得實用的食物安全知識，從而掌握安全處理食物之道，並且能知所選擇。
「食安電影頻道」現已在食安中心的YouTube頻道啟播，並在食安中心的Facebook 及 Instagram 專頁同步播放。我們將不時上載新作品，敬請期待，並介紹親友一同觀賞這系列影片。
| 日期 | 影片名稱 | 故事大綱 |
|---|---|---|
| 二零二一年十月十五日 |
身為「整燶專家」，芋頭人Jing Loong從來唔驚煎炒烤焗炸，不過今次嘅對手，竟然係整燶咗之後成身都係丙烯酰胺嘅「整燶之包」，整燶界兩大澱粉級人馬相遇，法寶盡出，究竟最後冇穿冇爛，冇燶冇黑嘅係何人？ |
|
| 二零二一年九月三日 |
煙霧瀰漫嘅後巷，係一眾嘴刁食客打邊爐兼偷食中式魚生嘅場所。將致命與魚春嬌，在此浪漫相遇，情定中式魚生。一次突擊檢查，佢哋亦由唔熟，去到熟⋯⋯ |
|
| 二零二一年七月二十八日 |
食源性肝炎有「甲型肝炎」和「戊型肝炎」兩大字頭。Hep A話事人「蠔南哥」與冒起的戊型肝炎勢力「豬膶」（綽號：嗚呀）各有各惡，為爭奪地盤，趁人打邊爐時交叉感染，處處針鋒相對。一場熱水沸騰的大清洗，似乎在所難免⋯⋯ |
|
| 二零二一年六月二十四日 |
一班不知世途險惡嘅冷凍食品組成足球隊參加廚房足球大賽，遇上零度環境都可以活動自如迅速傳播嘅強隊「李斯特菌」，究竟有無辦法低擋佢哋猛烈嘅攻勢呢？ |
|
| 二零二一年五月二十八日 |
第一屆食安電影金匙獎頒獎典禮】 榮獲提名「最解凍電影」包括： 《重㷫Salmon》 迷人眼神溫情演繹 流動冷水解凍，用最暖的真心融化最冰凍的三文魚。 《西廚記——Shrimp尾奇緣》 愛的宣言深情催淚，急凍蝦仁苦苦守候，一萬年後會否邂逅 微波爐解凍？ 《冰肉有情》 瀟灑冷酷與不羈，抱得冰肉歸，錯過 雪櫃下格解凍 時機。 |
|
| 二零二一年四月二十九日 |
食神流落街頭，對住睇落揦鮓嘅火雞彈三彈四，點知火雞原來係營養標籤專家，歌喉更係一絕。同為零食檔主嘅鵝頭，一見低鹽低糖就諗起初戀，差啲誤中營養陷阱。而貴為國際美食評審嘅味公主，得知營養標籤咁美妙、咁有用、咁黯然、咁銷魂之後，更加讚歎不已！ |
|
| 二零二一年二月二日 |
兩位鑽研三文治嘅主角，對新鮮食材有一份執著，希望有朝一日可以衝出國際。不過，人冇事先做到世界冠軍，三文治又點可以唔衛生？面對路上種種深藏不露嘅細菌，兩位主角有咩辦法駕馭又多料又多醬嘅三文治呢？ |
|
| 二零二一年一月七日 |
初上官場嘅小小食品芝麻官，面對奸狡而且無孔不入嘅 沙門氏菌，城內嘅蛋類同生奶類製品，仲有雞肉、碎牛肉、豬肝、半生熟漢堡扒⋯⋯統統有可能已慘遭沙門氏毒手！到底食品芝麻官可唔可以生都拗返熟，保衛鄉民呢？ |